TORTA DE AMEIXA
O tempo das ameixas (ciruelas) ten lugar entre os meses de xuño,
agosto e setembro. Dise que as mellores, son as de setembro, de modo que utilizarei
as vermellas para facer unha torta.
Hai moitas variedades de ameixas: amarelas, vermellas,
negras, verdes... Ademais de diferenciarse pola súa cor, tamén se diferencian polo
sabor ácido. Por exemplo, no caso das vermellas, son máis suculentas e de sabor
máis doce que as amarelas.
Teño que dicir que esta receita é creación miña, non a
atoparás en ningún outro blog. Non sabía exactamente que receita facer con esta
froita, así que quixen facer unha mestura entre a apple pie e o crumble. Leva masa quebrada na base, recheo, e de novo masa quebrada raiada enriba. O molde que emprego é de 26 cm.
Como xa comentei a ameixa é unha froita un pouco ácida. Empreguei
para o recheo 3 culleradas de azucre, e para o meu gusto quedou un pouquiño
ácida. Pero se como a min inclínaste máis cara o doce, engade un pouco máis de
azucre. Pola contra, hai xente a que lle gusta ácida.
Aproveita este mes para facer a túa torta de ameixas e verás que recendo desprende por toda a casa xa dende que está no forno.
INGREDIENTES:
- Masa quebrada. Déixovos o enlace neste link: masa quebrada doce
- 800 g de ameixas (sen a pedra)
- 3 culleradas de azúcre
- Azucre avainillado opcional
- 2 culleradas de maizena
- 1 cullerada pequena de canela
- 1 pizca de noz moscada
- Manteiga
ELABORACIÓN:
- Precalentamos o forno a 180º.
- Cortamos á metade as ameixas, retirámoslle a pedra, cortamos en rodaxas finas e poñémolas nun bol.
- Noutro bol mesturamos o azucre, a maizena, a canela e a noz moscada. Se tes azucre avainillado espolvoreamos un pouco, é opcional.
- Engadimos esta mestura as ameixas e removemos moi ben para que todas se impregnen. Reservamos mentres colocamos a masa quebrada no molde.
- A masa quebrada unha vez feita métese no conxelador arredor de media hora. Se por exemplo a tes feita do día anterior coma no meu caso, hai que sacala polo menos dúas horas antes de utilizala. Dicir tamén que coas cantidades da masa quebrada vai a sobrar, pero non pasa nada porque se garda no conxelador para outra ocasión.
- Poñemos un pouco de fariña na encimera e estiramos a masa con un rodillo, deixando un grosor duns 3 mm e un diámetro máis grande que o do molde que vaiamos a empregar. Gardamos a masa sobrante no conxelador ata o momento de utilizala logo.
- Collemos a masa con moito coidado e estendémola sobre o molde. Axustámola por toda a súa base e lateral. Cortamos a masa sobrante (foto máis abaixo).
- Poñemos sobre a base cubrindo por completo todo o recheo das ameixas. Por encima poñemos repartidos uns cachos pequenos de manteiga (foto máis abaixo).
- Sacamos do conxelador a masa e raiamos por encima do recheo. Se che é máis cómodo, podes raiala primeiro nun prato.
- Levamos o forno a 180º uns 50-55 minutos, ten que ter un color dourado. Cando a teñamos lista, sacámola do forno e deixámola arrefriar de 2 a 3 horas sobre una rexilla.
Comentarios